Олон жилийн турш "анхны нэмэлт хоол бол будааны шүүс" гэсэн ойлголт түгээмэл байсан. Харин сүүлийн үеийн хүүхдийн хооллолтын олон улсын зөвлөмжүүд энэ ойлголтыг өөрчилжээ.

Өнөөдөр хүүхдийн эмч, хоол судлаачид нэмэлт хоолыг ямар хүнсээр эхлүүлэхээс илүү тухайн хүнс шим тэжээлээр баялаг, аюулгүй, хүүхдийн хөгжлийн онцлогт тохирсон байх нь хамгийн чухал гэдэг дээр санал нэгдэж байна.

Иймээс чихэргүй, бүтэн тослогтой тараг нь 6 сартай хүүхдийн хамгийн эхний нэмэлт хоолны маш сайн сонголтуудын нэг болж байна.

Яагаад тараг гэж?

1. Илүү их шим тэжээл агуулдаг.

Будааны шүүс үндсэндээ нүүрс ус давамгайлсан хүнс байдаг. Харин тараг нь:

• Өндөр чанартай уураг
• Кальци
• Фосфор
• В бүлгийн аминдэм
• Хүүхдийн тархины хөгжилд шаардлагатай өөх тос

зэрэг өсөлт хөгжилд чухал шим тэжээлийг нэг дор агуулдаг.

Өөрөөр хэлбэл, нэг халбага тараг нь нэг халбага будааны шүүснээс илүү их шим тэжээлтэй.

2. Гэдэсний бичил орчныг дэмждэг.

Тараг нь исгэсэн бүтээгдэхүүн учраас амьд өсгөвөр (live cultures) агуулдаг. Эдгээр нь хүүхдийн гэдэсний бичил биетний тэнцвэрийг дэмжихэд хувь нэмэр оруулдаг. Хэдийгээр бүх тараг эмчилгээний зориулалттай пробиотик биш боловч амьд өсгөвөртэй тараг нь энгийн хүнснээс илүү олон давуу талтай.

3. Орчин үеийн зөвлөмжүүд будааны шүүсийг "заавал эхлэх нэмэлт хоол" гэж үзэхээ больсон.

Өмнө нь будааны шүүсийг харшил бага төрүүлдэг гэж үздэг байсан тул нэмэлт хоолонд зөвлөдөг байсан.

Гэвч өнөөдөр Америкийн Хүүхдийн Эмч Нарын Академи (AAP) болон Европын Хүүхдийн Хоол Тэжээлийн Нийгэмлэг (ESPGHAN) нь нэмэлт хоолыг будаагаар эхлүүлэхийг зөвлөдөггүй.

Үүний нэг шалтгаан нь:

• будааны шим тэжээл харьцангуй бага,
• өдөр бүр их хэмжээгээр хэрэглэхэд хүнцлийн (arsenic) өртөлт нэмэгдэх эрсдэлтэй,

4. Үнээний сүүний харшил үүсгэдэггүй, харин танилцуулдаг.

"Тараг өгвөл харшил өгөх үү?"

Орчин үеийн зөвлөмжөөр харшил өгөх боломжтой хүнсийг хэт удаан хойшлуулах шаардлагагүй гэж үзжээ.

Хэрэв хүүхэд 6 сар хүрсэн, нэмэлт хоолонд бэлэн болсон бөгөөд өмнө нь үнээний сүүний уургийн харшил оношлогдоогүй бол чихэргүй тарагийг бага хэмжээнээс эхлэн танилцуулна. Ингэснээр ирээдүйд сүүний уургийн харшил, лактоз задалж чадахгүй байх зэрэгт өртөхгүй байх магадлал өснө.

5. Хүүхэд амтыг байгалийнхаар нь мэдэрч сурдаг.

Анхны хоолонд элсэн чихэр, жимсний сироп, амт оруулагч хэрэггүй.

Байгалийн тараг нь хүүхдэд хүнсний жинхэнэ амтыг мэдрүүлж, цаашдын зөв хооллолтын дадалд эерэгээр нөлөөлдөг.

Тэгвэл ямар тараг сонгох вэ?

6 сартай хүүхдэд зориулсан тараг нь дараах шаардлагыг хангасан байх нь чухал.

✔ Чихэр нэмээгүй

✔ Жимсний амтлагчгүй

✔ Бүтэн тослогтой

✔ Амьд өсгөвөртэй

✔ Найрлага энгийн /хугацаа уртасгагч, өнгө үнэр оруулагчгүй/

Эдгээр шалгуурыг хангасан бүтээгдэхүүн нь хүүхдийн нэмэлт хоолны эхний сонголт болоход илүү тохиромжтой.

Жишээлбэл, BHK's Probiotic Yogurt нь чихэр нэмээгүй, амьд өсгөвөр агуулсан тараг тул 6 сараас эхлэн нэмэлт хоолонд ашиглах боломжтой сонголтуудын нэг юм. Гэхдээ аливаа шинэ хүнсийг бага хэмжээнээс эхэлж, хүүхдийн хариу урвалыг ажиглан нэмэгдүүлэхийг зөвлөж байна.

Мэдээллийн эх сурвалж

• World Health Organization (WHO). Guideline for Complementary Feeding of Infants and Young Children (2023).
• American Academy of Pediatrics. Starting Solid Foods.
• ESPGHAN Committee on Nutrition. Complementary Feeding: A Position Paper (2017).
• U.S. Food and Drug Administration (FDA). Advice about Arsenic in Rice and Rice Cereals.